Վանաձորի Կերպարվեստի Թանգարան
1974թ-ին հիմնադրվել է Վանաձորի Կերպարվեստի թանգարանը։ Այն մարզի միակ կերպարվեստի թանգարանն է։ Թանգարանը զբաղեցնում է եռահարկ կիսալուսնաձև շենք՝ ավելի քան 1800քմ տարածքով: 2004թ-ին շենքը ներառվել է Հայաստանի պատմամշակութային հուշարձանների ցանկում:
Թանգարանի հավաքածուն ունի ավելի քան 2000 գեղարվեստական ստեղծագործություններ, որոնց գերակշիռ մասը վերաբերվում են 20-րդ դարի 60-80-ական թվականներին։ Այստեղ պահվում են գեղանկարներ, գրաֆիկական ստեղծագործություններ, քանդակ, դեկորատիվ-կիրառական արվեստի նմուշներ։
Առանձնացվում են մի քանի թեմատիկ սրահներ, որոնք իրար հետ կապված են կամ մեկը մյուսին շարունակում են։ Կարելի է տեսնել ինչպես ավագ սերնդի աշխատանքներ, այնպես էլ երիտասարդ ստեղծագործողների գործեր։ Շինությունը ունի երեք հարկ, որտեղ առանձին հարկերում ցուցադրված են քանդակը և գրաֆիկան։
Թանգարանի մշտական ցուցադրությունում ներկայացված են 235 թանգարանային նմուշներ։ Սեպտեմբեր-հոկտեմբեր ամսիներին թանգարանում կազմակերպվում է Լոռու նկարիչների հաշվետու տարեկան ցուցահանդեսը։
Աշխատանքային օրերը՝ երեքշաբթի-շաբաթ
Աշխատանքային ժամերը՝ 10:00-18:00
Էքսկուրսիաների համար գրանցվել նախապես։
Հայերեն էքսկուրսիայի անվճար է։
Էքսկուրսիայի արժեքը ռուսերեն/անգլերեն 1500 դրամ։
Մուտքի տոմս - 200 դրամ
Մանկական տոմս (մինչև 18 տարեկան) - 100 դրամ
Օտարերկրացիների տոմս - 500 դրամ